VOV4.M’nông- Tổng thống Mỹ Joe Biden lĕ ntơm rơh tât khâl ta Trung Đông nchrăp jŏ tâm 4 nar bâh 13/7, gay ma kơl ndơ̆ Israel n’hanh A rập xê út tâm dăch lơn, nkre lah doh rklaih ăp nău mô tŏng ndơ sông sa ŭnh nar. N’gâng kan Mỹ an gĭt, nkô̆ ŭch rơh hăn khâl Trung Đông bôk năp bâh wa Biden đah nău kan lah Tổng thống, lah dơi geh nău đăp mpăn, bah tâm lơh tâm su n’hanh ƀư rlăng ta nkual, rlău ma nău doh rklaih nău rnă njrăng ŭnh nar ta rnôk geh nău tâm lơh Nga- Ukraine dôl geh nău tât hô ta ntŭk tăch rgâl ŭnh nar lam ntur neh. Ta rơh tât khâl, Tổng thống Mỹ mbra nsrôih gay ma mât n’hanh ndâk nsơm nău đă rlu tâm lơh ta Yemen, nkre lah ƀư kloh ueh lơn tay nău lăp kan ndrel bâh Israel tâm nkual, pă kơl ndơ dŏng an nuĭh ƀon lan Palestine n’hanh mât nău mpŏng ŭanh mpeh ntrong kan 2 dak.

Nuĭh rblang: Thị Đoắt