VOV4.M’nông – Nar 6/4, tĭng Điện Kremlin, Tổng thống Nga V.putin lĕ geh ăp rơh điện tâm nchră đah Thủ tướng Hungary Viktor Orban n’hanh Tổng thống Serbia Aleksander Vucic mpeh tâm boh ăp ding n’hanh nu nău Ucraina. Tâm rơh điện tâm nchră, Tổng thống Nga Putin n’hanh Thủ tướng Hungary Viktor Orban lĕ tâm nchră mpeh du đêt nău geh nău mhe tâm boh đah 2 dak gay hun hao tĭng trong 2 ding ndrel uĕh. Nuĭh kruanh Nga lĕ mbơh đah Thủ tướng Hungary mpeh nu nău kan ta rơh rƀŭn tâm nchră dah ntoh măt Nga n’hanh Ucraina. Bah năp nĕ, Thủ tướng Orban mbơh, Hungary nchrăp trok prăk gaz ndơ su bah Nga đah prăk rúp, nkre kuăl jă Nga lah du gâl mô dơi mô geh tâm rnă njrăng bah châu Âu. Tâm rơh điện tâm nchră đah Tổng thống Serbia Aleksander Vucic, 2 nuĭh kruanh mĭn lah tay mpŏng ŭch nsum gay hun hao lơn tay tâm boh kan ndrel Nga-Serbia n’hanh pơk hvi tâm boh wăng sa n’hanh tăch rgâl, geh n’ăp tâm nău kan ŭnh nar.

Nŭih blang: Y Sưng Phê Ja