VOV4.M’nông: Tổng thống Nga V. Putin hŏ ký nau ntrŭnh n’hao nroh nŭih tahen bah ăp rmôt tahen Liên Bang Nga ntop tay 137 rbăn nŭih. Săm ƀŭt geh mpông nkoch mbơh nau pháp lý tơm, geh nau tam tâm lơ 1/1/2023. Tĭng nau geh nchih, rnoh biên chế bah rmôt tahen Nga ntơm bôk năm tât rnôk geh ndâk tâm 2 rkeh 39 rbăn 758 nŭih, tâm nê geh du rkeh 150 rbăn 628 nŭih. Tĭng ăp nŭih mêt uănh mpeh tahen, Nga geh tahen mô lăng âk, knŭng ƀư nau kan njrăng rdâng gay ma geh nau rnơm bah neh dak. Du gưl tâm rnoh nê, 130-150 rbăn nŭih gay ma rklaih ăp nau kan bah nau tâm lơh khlay. Ăp rmôt tahen Liên bang Nga geh đă gay ma mô lơh roh n’hâm dăng bah nau dơi njrăng rdâng tâm ăp nkuăl n’har bri êng êng bah neh dak. Ndri ma, gay ma rklaih dơi nau kan tâm rnôk ƀư nkân nkân, mô đă, ân geh tahen nchrăp kâp./.

Nŭih rblang: H’Thi