VOV4.M'nông: Tổng thống Pháp Emmanuel Macron nar aơ (25/8) mbra ntơm hăn khâl 3 nar tât Algéria tĭng nău jă bah nuĭh ndrel gưl kan Algéria, wa Abdelmadjid Tebboune gay nkrêp tay tâm boh bar ding lôch duh jêr geh tât ăp nkô̆ nău ơm kăl e. Lah bah năp hăn khâl, nuĭh mât bôk kan dak Pháp lah rjăp hăn khâl mbra rgop ƀư jru hvi lơn tâm boh bar ding tâm let năp tay, n'hao dăng tâm boh Pháp-Algérie ta năp ăp nkô̆ nău tâm nkual tâm ban kơt nthoi tay nău kan ƀư bah tay nău tâm rkeh kăl e. Ăp nkô̆ nchrăp mbra dơi ndơ̆ luh tâm nchră lah ăp ntul rlong rnă njrăng nkual ta Sahel, Lybia n'hanh Địa Trung Hải, tâm boh wăng sa Pháp-Algéria, nkô̆ nău pă an si ƀŭt lăp nuĭh Algéria ta Pháp n'hanh lơn lah tâm boh tâm trong kan ŭnh nar./.

Nuĭh rblang: Điểu Thân