VOV4.Mnông-Ngaŭch mât nău đăp mpăn n’hanh lĕ rngôch nkual neh bâh Ukraina. Pháp n’hanh ăp dak kan ndrel mbra geh n’hao nău tâm nchră gay ma rdâk njêng ăp trong kan mhe an rơh uh ah ta Ukraine gay ma rgâl tay nău mât đăp mpăn rnă njrăng bâh Nga. Aơ lah nău mbơh bâh Tổng thống Pháp Em-ma-nuy-en Ma-crông (Emmanuel Macron) lôch rơh tâm mâp đah Tổng thống Nga Vladimir Putin. Ntoh ngơi ta rơh rƀŭn nchră nsum, Tổng thống Pháp Emmanuel Macron lah na nê̆ mô geh nău rnă njrăng an châu âu lah mô geh rnă njrăng an Nga n’hanh an gĭt 2 ding ton mô mbơh tơih tay ăp nău kan tahen mhe mbra ƀư n’hao nău duh jêr. Tổng thống Pháp lĕ dăn đă Tổng thống Nga ndrel rdâk njêng ăp nău mât đăp mpăn rnă njrăng na nê̆ đah lĕ rngôch ăp ding geh tât rơh uh ah ƀư rlăng ta Ukraine.

Nuĭh rblang: Thị Đoắt