VOV4.M’nông: Ôi lơ 13/7, Tổng thống Xri Lanka Ra-gia-pắc-xa hŏ hăn tât Maldives lor ma geh nau mbơh lah ân nsrŭng nau kan. Tĭng du nau mbơh tă bah ntŭk kan hăn luh, lăp dak ba dih, wa Ra-gia-pắc-xa ndrel ur păng ndrel du hê nŭih kơl mât njrăng hŏ hao klơ du bôk ndeh mpar tahen, geh mpar tă bah tach ndeh mpar dak ba dioh bah Sri Laka gay ma hăn dak Maldives. Jêh rnôk njur tâm tach ndeh mpăr Maldives khân păng geh cảnh sát njŭn tât tâm du ntŭk mô geh dơi geh mbơh. Tâm dŭt pơh rlau aơ, wa Ra-gia-pắc-xa ton mra nsrŭng nau kan, gay ma pơk trong nơih ân “nau ntrơn jao nau kan tâm nau đăp mpăn ueh lăng”. Nau ton lah geh ndŏ luh jêh rnôk âk rbăn nŭih ƀư rŭng răng jur trong, lăp nchueng ndrel ma lăp nkre tâm ntŭk kan bah ăp rđau kan. Wa Ra-gia-pắc-xa geh ntôn lah mât nau kan mô bâp mô dơi, ƀư jêng nau văng sa bah neh dak roh rui mpeh tơm prăk, lơh jêng nau ƀư rŭng răng mô tă mâp geh tâm ntơm sa ơm tât rnôk aơ bah dak aơ./.

Nŭih rblang: H’Thi