VOV4.M’nông- Tổng thư ký Liên hợp quốc (LHQ) An-tô-ni-ô Gu-tê-rết  (António Guterres) geh ăp rơh tât khâl Matxcơva n’hanh Kiev, nkra lah nchrăp tâm nchră mpeh ăp nău rlu tâm lơh n’hanh kơl an nuĭh ƀon lan Ukraine. Thư ký báo chí bâh Tổng thống Nga Đ.Peskov an gĭt, tâm  nar 26/4, Tổng thư ký Antonio Guterres lĕ tât ta Matxcơva gay ma tâm nchră đah kruanh n’gâng kan nchră nău đah dak bah dih Nga Sergei Lavrov, lôch nĕ Tổng thống Vladimirr Putin mbra vơt păng. Ta nar 28/4, wa Antonio Guterres mbra tata ra Kiev n’hanh geh rơh tâm mâp đah Tổng thống Ukraine Volodymyr Zelensky. Tâm lĕ 2 nău, ăp rơh tâm nchră lĕ yor Tổng thư ký LHQ ntơm leo. Tổng thư ký LHQ nchrăp mbra tâm nchră mpeh nău rlu tâm lơh n’hanh kơl an nuĭh Ukraine geh nău ŭch ta rơh tâm nchră đah ăp Tổng thống Nga Vladimir Putin n’hanh Ukraina Volodymyr Zelensky.

Nuĭh rblang: Thị Đoắt