VOV4.M’nông - Tổng thư ký Liên hợp quốc Antonio Guterres lĕ kuăl jă tâm nchră nău gay dơi geh mô hôm hạt nhân gôl dak Triều Tiên. Triều Tiên nar 18/1 dơi an lah lĕ pănh 2 grăp phao ŭnh tâm nkual dak lêng, nău pănh tal 4 mô tât 2 pơh. Dun rlơn nău aơ, wa Stephane Dujarric, nuĭh ntoh ngơi bah Tổng thư ký Liên hợp quốc an gĭt, nău aơ du tŏ tay an saơ nău ŭch bah nău Triều Tiêmn n’hanh lĕ rngôch ăp ding ƀư tâm nchră nău gay dơi geh nău ŭch mô hôm hạt nhân dơi an saơ gôl dak Triều Tiên nkre n’hŭch duh jêr jŏ jong. Wa Dujarric an gĭt Tổng thư ký Liên hợp quốc Antonio Guterres kơl ăp nău tâm rnglăp nchră nău aƀaơ yơn lah rjăp ăp trong ƀư aơ an dơi dŏng.

Nuĭh rblang: Y Sưng Phê Ja