VOV4.M’nông- Nar aơ 22/7, Tổng thư ký LHQ Antonio Guterres mbra tât ta Istanbul, Thổ Nhĩ Kỳ, gay ma nsrôih an dơi geh nău tâm ton đah sƀ đah Nga n’hanh Ukraine gay ma plơ̆ tay nău pah kan tăch ndơ sa an dak bah dih ta Biển Đen. Ntoh ngơi ta du rơh rƀŭn mbơh ta New York, Mỹ, groi kruanh ntoh ngơi LHQ Farhan Haq an gĭt: Tổng thư ký Antonio Guterres, mbra tât ta Istanbul, Thổ Nhĩ Kỳ kơt lah du gâl tâm nău nsrôih bâh păng gay ma mât đăp mpăn lam ntur neh geh gĭt dăch đah ăp ntil ndơ sông sa bâh Ukraine tâm ban kơt ndơ sông sa n’hanh phân poh bâh Nga. Ta năp nĕ, kruanh n’gâng kan nchră nău đah dak bah dih Thổ Nhĩ Kỳ Mevlut Cavusoglu lĕ mpơl nău mĭn nsrôih ueh n’hanh an gĭt, ăp rơh tâm nchră đah dak aơ, Nga, Ukraine n’hanh LHQ mpeh tăch ndơ sa bâh Ukraine bâh ăp ndrâm dak lêng biển Đen hôm nha geh ƀư ueh.

Nuĭh rblang: Thị Đoắt