VOV4.M’Nông- Tổng Thư ký Liên hợp quốc Antonio Guterres mbơh wa lĕ tât ta thủ đô Kiev bâh Ukraine lôch geh rơh tâm nchră đah Tổng thống Nga Vladimir Putin ta Moskva. Nkoch ta mạng xã hội Twitter, wa Guterres lah na nê̆ LHQ mbra geh kơl tay nău nsrôih gay ma pơk hvi nău tâm kơl n’hanh mât đăp mpăn ƀon lan ngăn luh ăp nkual geh tâm rkeh ta Ukraine. Nuĭh dâk bôk năp LHQ lah na nê̆ rơh tâm rkeh aơ lôch lơ ơm lơ ma ueh an Ukraine, Nga n’hanh lam ntur neh. Nar aơ 28/4, Tổng thư ký Guterres lĕ geh rơh rƀŭn nchră đah kruanh n’gâng kan nchră nău đah dak bah dih Ukraine Dmytro Kuleba n’hanh lôch nĕ lah rơh tâm nchră đah Tổng thống dak tơm jay Volodymir Zelensky. Ta ăp rơh tâm mâp, păng kuăl đă Nga n’hanh Ukraine tâm kơl gay ma njêng ăp nău kan tâm kơl n’hanh ntrơn ƀon lan ngăn ta Ukraine.

Nuĭh rblang: Thị Đoắt