VOV4.M'nông: Nar 22/8, Giám đốc Nhih pah kan Tình báo ơm neh dak (NIS) bah Hàn Quốc Park Jie-won an gĭt, Triều Tiên mbra ƀư du rơh rlong pănh hạt nhân bah năp rơh bầu cử n'gul năm kan ta Mỹ tâm khay 11 tât, gay nkơnh n'hơ suan dăng hạt nhân bah dak dja. Tĭng Giám đốc ơm Nhih pah kan Tình báo Hàn Quốc, Triều Tiên mbra an saơ grăp ŭnh bah khân păng mbra pănh lot tât Mỹ n'hanh mbra ntrŭp nkre bôk ndrak hạt nhân dơi păt jê̆ n'hanh n'gơch lơn, gay mpet jâk tât n'gâng kan dôl kan Mỹ bah Tổng thống Joe Biden lor rnôk dak dja ƀư rơh bầu cử n'gul năm kan. Bah năp nê, mpôl kan tình báo Mỹ - Hàn Quốc năl lah, Triều Tiên hŏ nchrăp lôch an du rơh rlong hạt nhân n'hanh mbra dah rnôk ŭch rlong pănh. Yơn tât aƀaơ, Triều Tiên mô hŏ ƀư rlong kơt nău rvê bah ăp nuĭh kan mbơh hôch nău ăp dak./.

Nuĭh rblang: Điểu Thân