VOV4.M’nông - Nuĭh leo kan Triều Tiên Kim Jong Un mbơh lor, dak aơ mbra geh dŏng phao blêu hạt nhân tâm ăp rơh tâm rkeh tahen ơm geh đah Mỹ n’hanh Hàn Quốc. Nău mbơh geh ndơ̆ mbơh tâm rnôk Triều Tiên kahgĭt “Nar geh nău dơi”, lôch rơh tâm lơh bar dak năm 1950-1953. Wa Kim Jong Un ntôn Mỹ geh dŏng nău tâm lah mô ueh đah ngih dak đah Triều Tiên. Ăp rơh nti tahen nsum đah Mỹ n’hanh Hàn Quốc mpŏng ta Triều Tiên an saơ nău kan ndrel yor Mỹ uănh ăp nău kan tahen way geh bâh Triều Tiên lah nău kan tâm nsĭch mô lah tâm ntêt nkri. Wa Kim Jong Un lĕ an lah chính phủ mhe bâh Tổng thống Hàn Quốc Yoon Suk Yeol lĕ n’hao rmôt kan tahen đah Mỹ gay ma mô an dŏng ăp nău ntêt nkri hạt nhân bâh Triều Tiên geh nđâp nău dơi rdul lơh bôk năp.

Nuĭh rblang: Thị Đoắt