VOV4.M’nông- N’gâng kan mât rnă njrăng ngih dak Trung Quốc mhe an gĭt tahen dak aơ mbra tât ta Nga tât râng rơh nti tahen nsum geh ntơ  “Phương Đông-2022”. Tĭng nĕ, tahen rklaih đăp mpăn ƀon lan Trung Quốc mbra săch tahen tât ta Nga tât râng rơh nti tahen đah bar dak n’hanh tâm ban ŭch nsum đah bar ding. Kruanh n’gâng kan mât rnă njrăng ngih dak Trung Quốc an gĭt, nău kan hôm nha geh nău tât râng bâh Ấn Độ, Belarus, Tajikistan n’hanh Mông Cổ..., nkre lah mbơh nău dak aơ tât râng nti tahen nsum “Mô geh tât nău ta lam ntur neh n’hanh ta nkual aƀaơ”. Ăp năm dăch aơ, Trung Quốc way geh tât râng ăp rơh nti tahen yor Nga leo hăn n’hanh ƀư ăp rơh nti tahen nsum đah tahen bar dak.

Nuĭh rblang: Thị Đoắt