VOV4.M’nông-Tâm nău nchră ngơi mhe aơ geh ndơ̆ mbơh kêng măng nar 5/5 mpeh rơh pănh grăp phao ŭnh bâh Triều Tiên, kruanh n’gâng kan nchră nău đah dak bah dih Trung Quốc lĕ kuăl jă ăp ding ơm geh ƀư rơh tâm nchră khlăy n’hanh joi ăp trong kan săk rnglăy gay ma an tâm ban ăp nău mât uănh bâh bar ding. Ta năp nău mbơh mpeh rơh pănh grăp phao ŭnh bôk ndrak bâh Triều Tiên nar 4/5, ntoh ngơi ta rơh rƀŭn mbơh ăp khay kêng măng nar 5/5, nuĭh ntoh ngơi n’gâng kan nchră nău đah dak bah dih Trung Quốc Triệu Lập Kiên an gĭt, Bắc kinh lĕ nkah uănh tât ăp nău mbơh geh tât n’hanh nđâp ma nău CHDCND Triều Tiên ê hŏ geh mbơh mpeh nău aơ. Păng lah tay na nê̆, mât đăp mpăn, ueh lăng ta gôl dak Triều Tiên n’hanh ntrôl doh rklaih nău kan chính trị , nău ta gôl dak Triều Tiên, tâm di đah nău geh nsum bâh lĕ rngôch ăp ding ta nkual.

Nuĭh rblang: Thị Đoắt