VOV4.M’nông: Ntoh măt Rnâng kan bah Trung Quốc ta Liên hợp quốc mhe geh nau ntoh nau ngơi tâm ntŭk kan bah Liên hợp quốc ta New York (Mỹ) kuăl jă ƀư ân tŏng ăp nau nsrŭng pănh ta Yemen, ndrel rgum nau rgâl ân nâp nau kơl an. Ntoh măt Rnâng kan bah Trung Quốc ta Liên hợp quốc wa Trương Quân mbơh, nau khĭt rmanh yor ăp nau tâm lơh ta Yemen lơh hŏ n’huch oi kơp ntơm ƀư nau nchrăp nsrŭng pănh, tơn lah nau kan mât đăp mpăn tâm âk ntŭk ê geh nau đăp mpăn ơm. Nkre kuăl jă ăp ding geh tât ân geh ƀư tŏng ăp ndrel ăp ntil nau kan geh ton đah ăp nau nchrăp nsrŭng pănh, der ăp nau dôl lơh tâm ƀon lan ndrel ăp ntŭk gŭ bah ƀon lan, ndăn ăp nau kan bah uỷ ban tâm rgop ƀư tahen gay ma mât nau tâm mâp ndrel ma rklaih ăp nau kan bah trong tâm nchră ndrel tâm mbơh nau./.

Nŭih rblang: H’Thi