VOV4.M’nông – “Trung Quốc an lah Nga, Mỹ, Rmôt kan Hiệp ước Bắc Đại tây dương (NATO) n’hanh Liên minh châu Âu (EU) an ƀư tâm nchră geh nău ŭch nsing nơm tĭng nkô̆ nău tâm ban gay mkra ăp nău tâm rkeh lĕ geh tâm âk năm”. Aơ lah nău kuăl jă bah Kruanh n’gâng kan tâm rnglăp nchră nău Trung Quốc Vương Nghị dơi ndơ̆ tâm rơh kuăl điện tâm nchră đah kruanh nchră nău Mỹ Antony Blinken mpeh nău Ukraine mhe aơ. Tâm du nău mbơh dơi N’gâng kan nchră nău Trung Quốc n’gluh jêh rơh điện tâm nchră, nuĭh nchră nău Trung Quốc năl lah lĕ rngôch ăp ding geh tât an uănh mĭn tay ăp nău khuch mô uĕh n’hanh nău uĕh mpeh nău rnă njrăng đah Nga tâm nău Rmôt kan Hiệp ước Bắc Đại Tây dương (NATO) nar lơ pơk hvi mpeh bah lơ nhâp nar. Nkre, wa Vương Nghị mbơh lor nău tâm lơh rêng hvi n’hanh jŏ jong mbra ƀư geh âk nău duh jêr kơl nuĭh hô ngăn.

Nuĭh rblang: Y Sưng Phê Ja