VOV4.M'nông: Lah ta rơh mâp Đại sứ Nga ta Trung Quốc, Thứ trưởng Bộ Ngoại giao Trung Quốc Mã Triều Húc lah rjăp, dak dja mbra tâm boh đah Nga tâm ăp trôm bôk nău kan âk ding kơt rmôt 20 dak wăng sa hun hao n'hanh mhe ntoh dâk bôk năp (G20). Ta rơh mâp, Thứ trưởng Bộ Ngoại giao Trung Quốc Mã Triều Húc an gĭt, ta nâm nău mât bôk kan bah Kruanh Tập Cận Bình n'hanh Tổng thống Putin, tâm boh Trung Quốc- Nga mât tay ta rnoh têh. Trung Quốc mbra n'hao dăng tâm boh têh jong đah Nga, pơk hvi tâm boh ngăn ngăn tâm ăp trong kan n'hanh mô rlu  ƀư jru hvi lơn tâm boh đah bar ding tâm ăp bôk nău kan tâm boh âk ding kơt Liên Hợp Quốc, Mpôl kan tâm boh Thượng Hải (SCO), Rmôt ăp jâng wăng sa mhe ntoh dâk bôk năp lam ntŭr neh (BRICS) n'hanh G20, gay "ntrŭt ntrôl lam kruanh mât bôk kan lam ntŭr neh hun hao tĭng trong rƀŏng geh nău tâm ban n'hanh tâm di lơn"./.

Nuĭh rblang: Điểu Thân