VOV4.M’nông: Rơh rƀŭn bah N’gâng kan Chính trị Trung ương Đảng Cộng sản Trung Quốc ƀư lơ 28/7 hŏ mô ndŏ nkô̆ nau ân geh dơi jêh nkô̆ nau hun hao văng sa nklăp 5,5% tâm bôk năp, ma knŭng ƀư rjăp nau nsôih mât ân dơi jâng văng sa geh “nau dơi ueh ngăn” ndrel ntrơn rgâl tơm jêng nau đăp mpăn ân nau rêh ƀon lan. Rnôk nchră tât nau ntrŭnh ƀư nau kan văng sa 6 khay dŭt năm, N’gâng kan chính trị dak aơ hŏ đă ân geh “rgum ân đăp mpăn nau kan ndrel ma rnoh, mât ân jâng văng sa rđau nau kan tâm nau ƀư ân tâm di, nsôih ân geh dơi ueh ngăn nau kan”. Rơh rƀŭn lah rjăp nau kan ân geh ƀư tĭng nau kan “Mô geh Covid-19”, rnôk geh srê ntoh luh ân geh njrăng ndrel nkân ân nâp nkre, yơn kŏ đă ân geh ƀư đăp mpăn nau dơi, ăp n’gâng kan ân geh ƀư nsing ngăn tât nau hun hao văng sa rêh jêng./.