VOV4.M’nông- Kruanh Chủ tịch Trung Quốc Tập Cận Bình lĕ geh rơh tâm nchră ngơi đah Tổng thống Indonesia Joko Widodo. Bar hê nuĭh leo kan lĕ geh rơh tâm nchră ngơi lĕ rngôch, na nê̆ mpeh nău tâm boh kan bar ding tâm ban kơt ăp nău ta lam ntur neh, ta nkual ma bar ding ndrel mât uănh n’hanh dơi geh ăp nău tâm ban nsum khlăy. Kruanh Trung Quốc Tập Cận Bình an gĭt, Trung Quốc n’hanh Indonesia dôl ta rơh hun hao tâm ban, đah ăp nău dơi geh tâm rgop kan nsum, ăp nău dơi n’hanh trong hăn nsum. Rdâk njêng du ntŭk rêh jêng yor nău rêh let năp tay nsum Trung Quốc- Indonesia lah nău ŭch rong n’hanh nău tâm knơm bâh ƀon lan bar dak. Bar hê nuĭh leo kan lĕ tâm mbơh tâm rgop mpeh rơh uh ah ta Ukraine n’hanh ăp nău êng.

Nuĭh rblang: Thị Đoắt