VOV4.M’nông- Trung Quốc n’hanh Nê-pan (Nepal) mbra vgeh rdâk njêng du trong loih hăn rphot yôk Himalaya, tâm nĕ Trung Quốc nchrăp mbra đă ăp nuĭh way kan tât ta Nepal gay ma ƀư ăp rơh mĭn uănh an geh nău dơi tâm năm aơ. Kruanh n’gâng kan nchră nău đah dak bah dih Trung Quốc Vương Nghị mbơh, dak aơ mbra geh dŏng rnoh kơl an Nepal gay ma kơl mĭn uănh geh nău dơi bah trong loih rgŏ n’har bri đah bar dak, nkre lah đă ăp nuĭh way kan tât ta Nepal gay ma uănh nđôi tâm năm aơ. Năm 2019, Trung Quốc n’hanh Nêpal lĕ geh nău mbơh nsum mbơh nău mĭn uănh geh nău dơi mpeh nău nchrăp ƀư trong loih rgŏ n’har bri bâh Gyirong, Tây Tạng tât Kathmandu, Nepal. Trong loih hăn aơ lah du gâl tâm nău kan  mĭn uănh “Nkual neh n’hanh trong hăn” bâh Trung Quốc, gay ma kơl an Nepal bah ir geh knơm ta Ấn Độ.

Nuĭh rblang: Thị Đoắt