VOV4.M'nông: Tâm rnôk hăn khâl Thái Lan, Ngoại trưởng Trung Quốc Vương Nghị hŏ tât mâp ngơi Thủ tướng Thái Lan Prayuth Chan-o-cha n'hanh tâm nchră đah Groi Thủ tướng, Bộ trưởng Ngoại giao Thái Lan Don Pramudwinai.  Ta ăp rơh mâp, Ngoại trưởng Trung Quốc Vương Nghị lah rjăp tâm boh đah Trung Quốc n'hanh Thái Lan "dêh bên kơt du rnăk". Wa Vương Nghị an gĭt Trung Quốc mbra ndrel đah Thái Lan n'hanh Lào njêng du trong soih an jâng wăng sa nsum an nău hun hao công nghiệp bah n'gor Vân Nam (Trung Quốc) n'hanh trong nchrăp trong soih an jâng wăng sa mpeh luh nar (EEC) bah Thái Lan. Trong soih wăng sa dja mbra rgop ntrŭt ntrôl tâm boh ta ăp trong kan rhŏ dŏng, pâl nđaih, tăch rgâl n'hanh ntuh kơl hun hao ta trong kan công nghiệp ta lĕ pe dak, nkre kơl Thái Lan mbra rdeng ndơ hăn tât châu Âu ma du trong dak lêng mhe./.

Nuĭh rblang: Điểu Thân