VOV4.M’nông- Nar 10/7, kruanh n’gâng kan mât rnă njrăng ngih dak Ukraine Rét-ni-cốp (Reznikov) an gĭt, mpôl kan tahen dak aơ lĕ geh nău khuch khat âk ta rơh tâm rkeh đah Nga, Tĭng nău mbơh bâh wa Ritnicôp, mpôl tahen Ukraine an geh n’hao mhe, yor geh nău khuch khat âk ta rơh tâm rkeh n’hanh an geh pă tay phao blêu yor phao blêu ta ntŭk tâm lơh lĕ mô hôm geh. Ukraine ŭch geh âk ndeh loih, ndeh păr mô geh nuĭh ƀĭt n’hanh phao blêu bâh ăp dak kan ndrel ta phương Tây. Kruanh n’gâng kan mât rnă njrăng ngih dak Ukraine lah na nê̆, ăp trong grăp phao ŭnh lot dăch mô geh tâm rnoh năp ndơ  dŏng an lor bôk năp bâh mpôl kan tahen Ukraine, ndơn ta nĕ aƀaơ Ukraine dôl an geh ăp trong grăp phao ŭnh lot ngai. Nga lĕ âk tơ̆ ntôn phương Tây ŭch ntoch jong rơh tâm rkeh đah Nga- Ukraine, đah trong kan n’hao pă phao blêu an mpôl tahen Ukraine.

Nuĭh rblang: Thị Đoắt