VOV4.M'nông: N'gâng kan Ukraine nar ntri (10/8) mbơh pơk tay mpông ăp ndrâm dak lêng mpeh bah dâng Biển Đen lôch geh ntĭl mpông tâm lơh Nga-Ukraine, gay ƀư lôch jêh tăch n'gluh 6 rkeh tấn n'gul tuh kuah ăp khay. Aƀaơ, ăp bôk duk rdeng mhe pơk tay hôm dơi tĭng groi nđôi bah Ntŭk rgum pă kan nsum (JCC) tă bah Liên Hợp Quốc n'hanh Thổ Nhĩ Kỳ mât đŏng. Hiệp hội Doanh nghiệp n'hanh Thương mại Ukraine lah rjăp đŏng, nău mât n'hanh dŏng geh nău tam trong soih ta dak lêng dja dŭt khlay đah Ukraine- neh dak geh jâng wăng sa nsing âk tâm nău kan tăch n'gluh. Tât aƀaơ, puăn bôk duk rdeng lĕ rngôch 83.000 tấn tuh kuah hŏ luh bah ndrâm dak lêng Ukraine./.

Nuĭh rblang: Điểu Thân