VOV4.M’nông: Ntoh nau tâm du rơh rƀŭn gưl prêh di nkah 30 năm ndâk nau tâm boh nchră nau đah Trung Quốc ndrel 5 dak Trung Á tĭng nau kan trực tuyến, Kruanh Trung Quốc Tập Cận Bình hŏ ton mra kơl an 500 rkeh đola ân ăp dak Trung Á, gay ma kơl an nau mât nau kan ƀư tơm ndrel nau hăn êng tâm trong hăn hun hao bah nơm. Kruanh Trung Quốc hŏ mbơh rnoh kơl an đah ăp rđau kan bah 5 neh dak Trung Á, geh Kazakhstan, Uzbekistan, Turkmenistan, Kyrgyzstan ndrel Tajikistan. Kruanh Trung Quốc kuăl jă 6 dak n’hao nau tâm n’ur gưl prêh ndrel tâm mâp ƀư nau kan nsum gay ma nsrŭng nau ndâk njêng nau tâm rnơm ndrel nau tâm rnglăp tâm nkuăl, rƀŏng tât nkô̆ nau “ndrel hun hao, ndrel nâp rjăp”. Êng nau kơl an mpeh tơm prăk, wa Tập Cận Bình hôm mbơh mra pă 50 rkeh dĭng vắc xin Covid-19 ân 5 neh dak tâm năm aơ ndrel mra jao nau kan ê nkra vắc xin./.

Nŭih rblang: H’Thi