VOV4.M’nông-Tâm rnôk rgâl săk Omicron ƀư ntưp rêng Covid-19 ta châu âu, ăp ngih dak an geh ntrôl ngăch nău chuh vacxin n’hanh dŏng tay ăp trong kan văn bok put mbung, gay ma der geh nău tât tâm ntưp âk lơn ta khay iang n’hanh khay puh dôl tât dăch. Nĕ lah nău mbơh bâh Giám đốc ntŭk kan dak si lam ntur neh WHO ta nkual châu âu Hans Kluge rnôk ơh nău ôp bâh ntŭk kan mbơh nău mhe Reuters. Păng kuăl đă ăp ngih dak pah kan dâl aƀaơ gay ma der geh bênh âk ir  nuĭh ji lăp săm ta ngih dak si yor nău ntưp rêng ngăch bâh rgâl săk Omicron, BA.5. Bơi tât 3 rkeh nuĭh ntưpo Covid-19 mhe lĕ geh kơp dơn ta nkual châu âu ta pơh ba năp, geh du n’gul lĕ rnoh nuĭh ntưp mhe ta lam ntur neh. Rnoh nuĭh lăp săm ta ngih dak si lĕ hao rlău đah khay aơ năm e n’hanh bơi tât 3 rbăn nuĭh khĭt yor nău ji aơ ăp pơh.

Nuĭh rblang: Thị Đoắt