VOV4.M’nông- Ntŭk kan dak si lam ntur neh WHO lĕ mbơh nuh srê luh rtoh ta săk bâh dôk lah nău kan ndal lam ntur neh. Nău ntŭk kan dak si lam ntur neh mbơh nău ndal lam ntur neh lah rơh ntoh luh nău ji aơ lah du nău tât ndal, mbra geh ntưp tât âk ngih dak lơn n’hanh an geh mbơh tâm rdâng ta lam ntur neh. Ta rơh rƀŭn nchră, Tổng Giám đốc ntŭk kan dak si lam ntur neh Tê drôt Ghê brây ê xút  (Tedros Ghebreyesus) an gĭt, ăp nuĭh kan ndrel bâh du ủy ban way kan lĕ rƀŭn nchră ta nar 21/7 gay ma tâm nchră mpeh nău dơi geh mbơh nău dak si ta lam ntur neh đah nău ji duh rtoh luh ta săk bâh dôk. Yơn lah, păng an gĭt geh nău tâm nglah tâm nău ndơ̆ mbơh nău ntrŭnh, đă păng geh mbơh tơih, ƀư rai nău kŏ văk. Aơ lah rơh bôk năp nuĭh dâk bôk năp ntŭk kan dak si bâh LHQ geh nău kan kơt nĕ. Wa Ghê brây ê xút an gĭt lĕ geh rlău 16 rbăn nuĭh ntưp nău ji duh rtoh ta săk bâh dôk geh kơp dơn ta rlău 75 ngih dak n’hanh nkual neh, tâm nĕ geh 5 nuĭh khĭt.

Nuĭh rblang: Thị Đoắt