Ôi ntri (31/7), Prăk nkrem an kon se quet nte Việt Nam kan nsum đah Mpôl ntop kơl nuĭh quet nte  n’hanh mât njrăng nău dơi kon se n’gor Dak Lak ƀư bôk nău kan pă nklâm ndơ “Kơl kon se quet nte tât nhih nti" ta n’gor Dak Lak. Ban tổ chức hŏ kơl 100 nklâm  ndơ an kon se quet nte bah ăp nkuâl Buôn Đôn, Krông Năng, Krông Búk, Cư M’gar n’hanh thị xã Buôn Hồ.

 Ăp nklâm ndơ lah 2 rkeh prăk măt n’hanh bánh, kẹo, dak toh... Lĕ rngôch rnoh khlay ăp nklâm ndơ rlău 80 rkeh prăk. Ta Tây Nguyên, Prăk nkrem ndơ̆ kơl 400 nklâm ndơ an kon se quet nte ta ăp n’gor Gia Lai, Kon Tum, Dak Nông n’hanh Dak Lak. Wa Phạm Thị Chính, Groi kruanh Hội đồng mât dŏng Prăk nkrem kơl an kon se quet nte Việt Nam an gĭt, bôk  nău kan “Kơl kon se quet nte tât nhih nti” lah ngoăy tâm 4 trong tĭng ƀư nău kan bah Prăk nkrem gay kơl kon se quet nte lăp nsum lam mpôl, rlău ji đit prêng bah săk nơm gay nsan  hao  tâm nău rêh.