Ƀon M’riu aƀaơ geh rlău 300 rnăk đah bơi tât 1400 nuĭh, dŭt âk lah ƀon lan rnoi đê̆. Tâm ăp năm ba năp, Công ty điện lực Đăk Lăk way geh nsrôih mbơh tơih, rgŏ jă ƀon lan ƀư ueh jăp ăp nău ntrŭnh, nău kơl bâh Đảng, pháp luật bâh ngih dak, mbơh tơih njrăng lor ta năp ăp nău mplư rlăm ƀư rai nău tâm rnglăp lĕ mpôl rnoi.

Kơl an ƀon lan bah jêr jŏt, công ty ntuh kơl rdâk njêng ntŭk rêh jêng, ntŭk ngih ăch cho ta ƀon M’Riu, ƀa ƀơ mât chop pă ndơ an rnăk ƀon lan ta ăp rơh tết, lễ, rvăt 13 mblâm ndrôk ntil pă an ăp rnăk ach o gay ma hun hao wăng sa rnăk vâl. Lĕ rnoh prăk Điện lực Đăk Lăk kơl an ƀon M’riu tâm ba năp nơh lah rlău 950 rkeh prăk. Tâm let năp tay, 2 ding ngluh mbơh 5 nkô̆ nău tơm tâm rnglăp gay ma geh rdâk njêng tay nău tâm rnglăp, dăch bên đah ƀon lan gay ma hun hao wăng sa, mât đăp mpăn rnă njrăng, chính trị.