Rmôt nŭih nai dak si hăn kơl an bah Ngih dak si Trung ương Huế ƀư nau kan hăn khám săm ji kơl an ƀon lan tâm ăp xã nkuăl jru, ngai tâm n’gor Lâm Đồng. Nchrăp geh nklăp 2000 nŭih ƀon lan geh kơl an tă bah bôk nau kan aơ. Ngăn lah, ntơm lơ 6-10/8, rmôt nŭih nai dak si mra hăn khám săm ji kơl an ăp xã Đạ Chrais ndrel Đưng Knớ, nkuăl Lạc Dương ndrel Đông Thanh, Phúc Thọ, nkuăl Lâm Hà.

Aơ lah ăp nkuăl jru, ngai, geh âk nŭih rnoi mpôl đê̆ gŭ rêh. Nŭih ƀon lan geh khám ndrel mbơh n’hâm soan, pă dak si mô geh roh prăk, geh tât ăp nau ji Nội khoa, Nhi khoa, măt ndrel mbung sêk. Tâm rnôk hăn khám tâm xã Đưng Knớ, nkuăl Lạc Dương lơ 7/8, rmôt hăn khám, pă dak si dơm ân bơi tât 500 nŭih ƀon lan. Pă 400 nklâm ndơ ân ăp rnăk dơi kơl, rnăk ach o, rnăk jêr jŏt tâm xã./.