Ủy ban Thường vụ Quốc hội mhe geh nău mbơh na nê̆ mpeh bôk nău kan ôp n’hanh ơh nău ôp ta Rơh rƀŭn tal 5, Quốc hội khóa 15. Nchrăp Quốc hội mbra ntơm ƀư ôp n’hanh ơh nău ôp bah nar 6-8/6, ăp rmôt nău dơi Quốc hội săch ôp lah: pah kan, thương binh n’hanh xã hội; ntung trong nchoăn rdêng; khoa học n’hanh công nghệ; rnoi nuĭh. Rmôt nău bôk năp mpeh tâm nău pah kan, thương binh n’hanh xã hội n’hanh Kruanh n’gâng kan wa Đào Ngọc Dung mbra lah nuĭh ơh nău tơm.

Kruanh N’gâng kan, Chủ nhiệm Ủy ban Dân tộc Hầu A Lềnh mbra nuĭh ơh bah kơi tay, đah rmôt nău tâm nău rnoi nuĭh. Rmôt nău tal 3 mpeh tâm nău khoa học n’hanh công nghệ n’hanh nuĭh ơh tơm lah Kruanh N’gâng kan Khoa học-công nghệ Huỳnh Thành Đạt. Kruanh N’gâng kan Nguyễn Văn Thắng mbra ơh mpeh rmôt nău tal 4 mpeh tâm nău ntung trong nchoăn rdêng. Tâm rơh ôp đŏng n’hanh ơh nău ôp ta rơh rƀŭn aơ, Groi Thủ tướng Chính phủ Lê Minh Khái mbra ƀư kloh ăp nău geh tât n’hanh ơh nău ôp bah đại biểu Quốc hội. Ta ăp rơh ôp ăp Groi Thủ tướng chính phủ mât uănh nău n’hanh ăp Kruanh n’gâng kan, kruanh nău kan mbra ndrel râng ơh nău ôp, rblang mpeh ăp nău geh tât.