Tĭng rgum bah bôk nau kan bah ăp nkuăl, ntơm rnôk aơ tât lôch năm 2025, 50 nkuăl ndrel rlau 1.200 xã tâm lam dak mra geh lăp gay n’huch nŭih kan trong kan hành chính, n’huch tơm prăk dŏng, n’hao săk tam nau mât kan ndrel nau nâp nau kan. Jêh rnôk dăp rgum nchrăp ăp rmôt kan hành chính gưl nkuăl ndrel gưl xã kŏ n’huch. Ngăn lah, rnoh ntŭk kan hành chính nkual geh ƀư lah 50 rmôt kan, jêh dăp rgum geh huch 14 rmôt.

Ntŭk kan hành chính gưl xã ƀư nau rgum lah 1.243 ntŭk, jêh dăp rgum 169 ntŭk. Lôch rơh rƀŭn, Groi Thủ tướng Trần Lưu Quang lah rjăp, rgum rmôt kan hành chính nkual, xã lvang năm 2023-3030 lah du nau ntrŭnh têh bah Đảng, Ngih dak, nkre rnê prêh nau nsôih bah ăp n’gâng kan, nkuăl tâm nau ƀư njêng nklăp 60% rnoh nau kan./.