6 khay bôk năm, nău kan Lao động-Thương binh n’hanh Xã hội ƀư tĭng nău kơl ntop kơl ƀa ƀơ an rlău 1 rkeh 130 rbăn nuĭh geh soan cách mạng đah prăk an nklăp 14.000 rmen prăk. Aơ lah nău mbơh dơi ndơ̆ ta Rƀŭn nchră uănh lah nu nău ƀư tĭng 6 khay bôk năm, nău kan trong mkra khlay tâm 6 khay dŭt năm 2023 tâm nău kan, nuĭh geh soan n’hanh nău rêh jêng tă bah N’gâng kan Lao động Thương binh n’hanh Xã hội ƀư kêng măng 21/7 ta nkual ƀon têh Huế, n’gor Thừa Thiên Huế.

6 khay bôk năm aơ, ntŭk pah kan uănh nsum đăp mpăn, ăp rnoh ntuk pah kan hao đêt. Pah kan geh nău kan lah 51,2 rkeh nuĭh, hao rlău 900 rbăn nuĭh nkôp đah rơh aơ năm bah năp. Lam nău kan rgum lôch jêh nău kơl, pháp luật mpeh trong kan ntop kơl nău rêh jêng; ƀư tĭng nău kơl kon nuĭh ăp khay an rlău 3,3 rkeh nuĭh ntop kơl nău rêh jêng n’hanh rlău 300 rbăn rnăk, êng nuĭh dơn mât uănh, rong nuĭh ăp khay. Ta rƀŭn nchră, ntoh măt ăp ntŭk kan, ƀon lan tâm nchră, n’gluh an ăp trong mkra n’hao uănh nđôi nu nău pah kan, nău kan, ăp nău đăp mpăn rêh jêng; Ƀư tĭng tay ăp trong mkra pơk hvi n’hanh hun hao nuĭh râng bảo hiểm xã hội, bảo hiểm roh nău kan.