Ăp rnăk Việt hŏ jêng jay tâl bar nsĭt tay nău rŏng rnăk wâl”- nê lah nău năl nsum bah âk băl mom nuĭh Lào, Campuchia râng bôk nău kan “Rnăk Việt đah sinh viên Lào, Campuchia dôl kơt nti ta nkual ƀon têh Hồ Chí Minh” năm 2023 ta rơh lễ n’glôch jêh kêng măng nar 23/2 tă bah Ủy ban Mặt trận Tổ quốc Việt Nam nkual ƀon têh Hồ Chí  Minh ƀư. Đah 91 sinh viên Lào n’hanh 14 sinh viên Campuchia râng bôk nău kan năm 2023, ăp rnăk mât ta nkual ƀon têh Hồ Chí Minh hŏ kơl ăp kon se geh tay nuih n’hâm nđơr an kơt nti  nơm geh ntop kơl drăp ndơ lĕ ma nuih n’hâm tâm nău mât uănh khlay nău tâm rŏng.  

Nơm geh kơt nê ma âk băl geh tay trong joi gĭt mpeh nău way ơm văn hóa  n’hanh neh dak kon nuĭh Việt Nam, rgop êt lhăt krêp mpêt nău tâm rŏng đah ƀon lan pe dak Việt Nam – Lào - Campuchia. Nkhêp geh rnôk dja, n’glôch jêh pah kan tâm boh dak bah dih ƀon lan n’hanh pah kan nuĭh Việt Nam gŭ ta dak bah dih năm 2023, Ủy ban Mặt trận Tổ quốc Việt Nam Nkual ƀon têh an gĭt Mặt trận n’hanh ăp mpôl kan nsum hŏ lor nchrăp ƀư âk nău kan tâm nđŭr đah ƀon lan ăp dak Trung Quốc, Lào, Campuchia; n’hao dăng tơm ndơ rgŏ jă bah ăp mpôl kan bah dih chính phủ n’hanh dŏng geh nău tam ăp rnoh ndơ kơl./.