Ăp nar dja, ăp nhih pah kan đơn vị tâm njêng, ăp mpôl kan kơl nuĭh dôl ndrel n'gâng kan ta ntŭk ƀư âk nău kan hăn ôp khâl, pă nklâm ndơ, mât chăm Tết an nuĭh ach o n'hanh ăp nuĭh jêr jŏt ta n'gor Dak Nông. Nkhêp geh Tết Nguyên đán Quý Mão, Hội Chữ thập đỏ n'gor Dak Nông kan nsum đah ăp nuĭh tơm kơl hŏ pă nklâm ndơ an 1.000 nklâm ndơ an nuĭh ƀon lan geh nău rêh jêr jŏt ta 2 nkuâl jru ngai lah Dak Glong n'hanh Krông Nô.

Ăp nklâm ndơ rnoh khlay 500 rbăn prăk, njuăl nău rŏng, nău tâm uănh, tâm pă đah nău ŭch rŏng ăp nuĭh, ăp rnăk geh Tết. Nkre, ta 5 nkuâl tâm n'gor ƀư "Chợ kơl nuĭh" pă an ăp ndơ dŏng sa khlay an nuĭh ƀon lan geh nău rêh jêr jŏt. Ban Tổ chức phăt 1000 phiếu (rnoh khlay 600.000 prăk/phiếu) gay nuĭh ƀon lan rvăt ndơ he ŭch geh. Liên đoàn lao động n'gor Dak Nông ƀư bôk nău kan "Tết njôm wăr- năm mhe krêp dêh" an công nhân, nuĭh kan geh nău rêh jêr jŏt. Bôk nău kan hŏ pă an rhiăng nklâm ndơ, đah rnoh khlay 180 rkeh prăk, kơl ăp đoàn viên geh tay ndơ sa Tết.

VOV Tây Nguyên/Nuĭh rblang: Điểu Thân