Ơi kônh wa n'hanh băl mpôl! Ntơm bah ăp nar bôk năm mhe 2023, Ủy ban Dân tộc hŏ ƀư tâm nchră lam dak n'glôch jêh pah kan rnoi mpôl đê̆ năm 2022; sơ kết 1 năm tĭng ƀư bôk nău kan bah ngih dak hun hao wăng sa- rêh jêng kon nuĭh nkual rnoi mpôl đê̆ n'hanh mpeh yôk yang lvang năm 2021 - 2030 n'hanh an ƀư nău kan năm 2023.

Nơm geh nău rđău đă lĕ n'hâm suan bah Chính phủ, n'hanh nău nsrôih ntop kơl ăp ƀon lan rnoi mpôl đê̆ nău tĭng ƀư ăp kôp ăp trong kơl rnoi mpôl đê̆, trong kơl đăp mpăn rêh jêng kon nuĭh tât nău rêh ƀon lan rnoi mpôl đê̆ uănh nsum đăp mpăn n'hanh nar lơn ma dơi rgâl uĕh. Năm 2022, rnoh âk rnăk ach o nkual rnoi mpôl đê̆ hŭch 3%/năm. Bộ trưởng, Chủ nhiệm Ủy ban Dân tộc Hầu A Lềnh an gĭt, tât năm 2023, nău khlay lah an ƀư ăp trong nchrăp kan Tâm bôk nău kan gưl neh dak đah rnoh prăk ƀư dŭt têh bah năm 2022 rgâl an trong nchrăp kan bah năm 2023.

VOV/Nuĭh rblang: Điểu Thân