Ntoh nau tâm nar rƀŭn lam dak ntrŭnh luật, nau ntrŭnh bah Quốc hội gưl XV, Kruanh Quốc hội Vương Đình Huệ đă Chính phủ ƀư ueh lơn tay nau kan, nau dơi bah ntŭk kan ƀư Hiến Pháp, luật, nau ntrŭnh bah Quốc hội, ăn ntĭm mbơh, geh nau rklaih ân tam ăp nau kan dôl nkol, mât đăp mpăn tĭng nau ŭch bah nau ngăn ndrel tâm di nau ntrŭnh bah luật, nau ntrŭnh. N’hao, rgâl mhe nau kan mbơh, ntĭm pháp lutậ tâm đi đah nŭih, nkô̆, nkuăl, ngăn lah đah nkuăl rnoi mpôl đê̆ ndrel gôl yôk.

Kruanh Quốc hội đă ân geh rgum nau ntrŭnh, đăp mpăn nau nâp bah 83 nau ntrŭnh ngăn ƀư jêng ăp luật, nau ntrŭnh quy phạm pháp luật bah Quốc hội gưl 15. Đah 08 luật geh nau tam ƀư tâm năm 2024, rnoh nau ntrŭnh n’hêl ƀư nau ntrŭnh đă têh, 68 nau ntrŭnh. Ndri ma, Kruanh Quốc hội, đă:

‘Đă Chính phủ geh nau nchrăp n’hêl, ngăn, dăp ân rnoh kơl an nau kan ân tâm di, ntuh kơl nau tơm gay ma ndâk, ntrŭnh ân tŏng, nau nâp bah ăp nau ntrŭnh, đăp mpăn ndrel geh nau tam đah rnôk geh nau tam bah luật, nau ntrŭnh, ngăn lah luật geh nau tam ntơm lơ 1/1/2024. Năn saơ ăp nau ntrŭnh ê geh nchrăp ƀư geh ăp nau ntoh hôm kol, ê tâm ban, ê tâm di, tâm rkăng, âk nau ân geh nkra, ntop tĭng nau dơi mô lah nau đă mpeh nau rgâl nkra, ntop tay, ntrŭnh nau ntrŭnh quy phạm pháp luật, mbơh Quốc hội nau geh jêh kơp uănh tâm rơh rƀŭn tal 6 (khay 10/2023). Ƀư jêh ntrong kan pháp lý mpeh nau rklaih ƀư nau kan ndrel rklaih rjăp, năn ăp ntŭk, ăp nŭih ân geh nau tih tâm nau ndâk, ntrŭnh nau quy phạm pháp luật”.

Đah ăp ntŭk kan bah Quốc hội, Kruanh Quốc hội nkah ân geh lŏ n’hao tay nau nchrăp, nau kan bah Uỷ ban Rnâng kan Quốc hộim, ăp ntŭk kan bah Quốc hội tâm nau uănh, bonh đă ndrel uănh bah Chính phủ, ăp ntŭk kan, rmôt kan ƀư ntrŭnh ăp luật, nau ntrŭnh bah Quốc hội, Nchrăp tâm rgop ngăn đah ăp ntŭk kan geh tât tâm nau ƀư, uănh, rgâl nau nchrăp luật, nau ntrŭnh, nkân ƀư nau đă “nau nchrăp nau ntrŭnh đă n’hêl ân geh nchrăp ndrel mbơh nsum đah ăp nau nchrăp luật, pháp lệnh”.

Ăp rmôt kan ntoh măt Quốc hội ndrel ăp rmôt kan ntoh măt Quốc hội ân ƀư rjăp nau uănh nau kan tĭng pháp luật, ntrŭnh ăp luật, nau ntrŭnh bah Quốc hội tâm nkual, HĐND ndrel UBND ăp gưl, ngăn lah tâm ăp nkual ƀư rlong tĭng ăp nau ntrŭnh bah Quốc hội gay lŏ n’hao nau nchrăp, nau kan ndrle nau blau mhe, geh nau ngăch tâm nau ƀư nau ntrŭnh pháp luật tâm nkuăl.

Kruanh Quốc hội Vương Đình Huệ lah rjăp, nau ƀư rơh rƀŭn nchrăp nau kan ntrŭnh ăp luật, nau ntrŭnh bah Quốc hội lah du nau mhe tâm âk nau kan bah Quốc hội gưl XV. Tâm nau tă dơi geh bah rơh rƀŭn, Chính phủ, ăp ntŭk kan, n’gâng kan tâm nkuăl, mĭn ƀư ăp rơh rƀŭn mô lah nau kan ân tâm di gay ma mbơh, ntrŭnh nkô̆ nau n’hêl bah ăp luật, nau ntrŭnh yor Quốc hội ntrŭnh tâm ăp nau kan gay ntrŭnh mô lah geh tât ăp ntŭk kan, rmôt kan, nkuăl bah nơm:

‘Ntrŭnh nau ntrŭnh tâm nau mbơh đă mrô 27 “nau dơi bah ngih dak lah tâm ban, geh nau dơi pă ân kloh, ân rjăp n’hêl, nkân njrăng ân săk tam”, gâp rnơm lah, nau hăn nsum ƀư nau kan geh nau dơi, nchrăp, săk tam ndrel mêt uănh rjăp bah Quốc hội, ndrel nau dơi ndrel nau nsôih ƀư tĭng pháp luật du trong rjăp, geh nau blau ngăn bah Chính phủ, nau tâm rgop rjăp bah ăp ntŭk kan, kơt geh ntoh kloh ngăn bah ăp nau dơi bah rơh rƀŭn aơ, mra lah nau dơi khlay gay ma ƀư “mât nau kan neh dak ueh mhe, săk tam”, rgop nau gay nau kan ntrŭnh luật nau ntrŭnh kan mra geh ăp nau ntrơn rgâl kloh, geh âk nau dơi ueh ngăn tâm rơh rlau aơ, tŏng dơi nau đă hun hao bah neh dak, nau mpŏng ndrel nau rnơm bah ăp ntoh măt Quốc hội, cử tri ndrel ƀon lan”./.