Ăp năm ba năp, n’gor Gia Lai lĕ uănh khlăy ntuh kơl trong kan pă dak kloh dŏng ta nkual ƀon lan gay ma rgâl nău rêh bâh nuĭh ƀon lan, ngăn lah ta ăp nkual ƀon lan rnoi đê̆. Tât aƀaơ n’gor Gia Lai geh klâp ma 160 nău kan pă dak dŏng rgum ta ăp thôn, ƀon pah kan geh săk rnglăy. Ăp nău kan aơ ntop n’hao nău ueh nău rêh bâh nuĭh ƀon lan, ngăn lah ƀon lan rnoi đê̆ ta ăp nkual njônh ngai, nkual jêr jŏt. Gay ma ăp nău kan ƀư dak kloh ƀon lan n’hao săk rnglăy ueh nâp nâl, tĭng wa Nguyễn Văn Danh, cán bộ mât nău nchrăp ƀư dak kloh bâh rnâng kan mât uănh ăp nău nchrăp kan ntuh kơl rdâk njêng n’gor Gia Lai an gĭt: Ntŭk kan tơm ntuh kơl mbra tâm rgop na nê̆ đah n’gâng kan ta ntŭk n’hanh ăp ntŭk kan mât uănh leo kan, ƀa ƀơ mbơh tơih, rgŏ jă ƀon lan mât rnoh dak, uănh nđôi mât nkra, mât ueh ndơ dŏng n’hanh trong dĭng dak gay ma der geh khuch djơh, gay ma nsĭt tay săk rnglăy ueh lơn.