Ôi ntri (21/3), ta nkuâl Cư M’gar, n’gor Dak Lak, Bộ Công an kan nsum đah Tỉnh ủy, UBND n’gor Dak Lak n’hanh ăp nuĭh tơm kơl ƀư ndơ̆ an jay ntĭt ƀư lor n’hanh prăk dŏng ƀư 1.200 mblâm jay an rnăk ach o jêr jŏt mpeh jay gŭ ta n’gor.

Tĭng nău mbơh gĭt ta rơh ndơ̆ an, prăk gay ƀư rdâk njêng 1.200 mblâm jay an rnăk ach o nklăp 96 rmen prăk. 4 ngân hàng lah Agribank, Vietcombank, Viettinbank n’hanh BIDV kơl an 60 rmen prăk, rnoh prăk hôm ƀa ƀă tă bah mpôl Công an ntop kơl.

Râng n’hanh lah ta rơh lễ, Thượng tướng Lương Tam Quang, Thứ trưởng Bộ Công an, lah uĕh ăp nuĭh tơm kơl hŏ ndrel hăn ntop kơl prăk an ƀư  jay an ăp rnăk ach o jêr jŏt mpeh jay gŭ ta n’gor Dak Lak. Thượng tướng Lương Tam Quang mpư rnê Công an n’gor  n’hanh n’gâng kan ta ntŭk mô hŏ năn jŏ ma hŏ rdâk njêng 2 mblâm jay ntĭt lor an bar rnăk jêr jŏt mpeh jay gŭ ta nkuâl Cư M’gar n’hanh dăn đă Công an n’gor Dak Lak, ăp đơn vị tơm ƀư an ƀư du rơh rdâk njêng 1.198 mblâm jay hôm ƀa ƀă, đăp mpăn nâp uĕh n’hanh ƀư lôch jêh bah năp nar 31/10 năm aơ.