Ôi 3/3 hŏ ƀư bôk nău kan "Khay pe n'har bri" đah nkô̆ "Mpêr n'har neh dak gâp" du rơh ƀư ta ăp n'gor kâng n'har bri. Tâm nê, Bôk nău kan "Khay pe n'har bri" gưl Trung ương ta 03 n'gor Lạng Sơn, Quảng Trị n'hanh Kiên Giang. Âk nklâm ndơ geh nkô̆ khlay dơi Ban Tổ chức pă an mpôl tahen n'har bri, nuĭh ƀon lan n'hanh druh ndăm rchong ta ăp ntŭk dăch n'har bri 3 n'gor Lạng Sơn, Kiên Giang, Quảng Trị kơt: pă nklâm ndơ an rnăk dơi kơl n'hanh kon se nti geh nău rêh jêr jŏt, ntop kơl tơm nam an trong ntĭt leo "Ndru nam n'har bri Việt".

Lơn lah, an ƀư ăp bôk nău kan geh rnoh khlay rlău 7,2 rmen prăk. Êng ta n'gor Lạng Sơn, ăp nău kan nkah gĭt nuĭh geh n'hâm suan, an ƀư âk nău kan druh ndăm đah rnoh khlay 4,7 rmen prăk. Ngoăy tâm ăp nău kan dơi nuĭh ƀon lan nđơr râng lah nău kan but săm, mbơh nti, phăt dơm dak si an 500 nuĭh ƀon lan n'hanh druh ndăm rchong geh nău rêh jêr jŏt ta mpông n'har bri Chi Ma, Lạng Sơn.