Ôi aơ (2/12), ta Hà Nội ƀư rgum nchră Đại hội 13 Công đoàn Việt Nam năm kan 2023-2028 đah nău tât râng bah 1 rbăn 100 nuĭh ntơh măt an 11 rkeh đoàn viên công đoàn, công nhân viên chức nuĭh kan lam dak. Đại hội geh nău dơn kan uănh năl di, lam lĕ rngôch mpeh nău tĭng ƀư Nghị quyết Đại hội Công đoàn Việt Nam tâl 12; ntrŏng rnoh tât kan, trong rƀŏng, nău dơn kan leo kan công nhân, viên chức, nuĭh kan n’hanh nău kan công đoàn 5 năm tât; sơch Ban Chấp hành Tổng Liên đoàn năm kan 2023-2028.

 Râng Đại hội, ăp nuĭh ntơh măt ŭch rŏng Đại hội sơch Ban Chấp hành khóa mhe ntoh lư mpeh nuih n’hâm uĕh lŏng, chính trị, nău dơi pah kan, geh han săk, bôk rngok gĭt blău, lĕ nuih n’hâm, geh nău dơn kan, tŏng đah nău ŭch geh ndơ̆ luh aƀaơ; n’gluh ăp trong ntrŭt nsôr nuĭh  kan n’hao hăr blău ti kan, trong ntop kơl cán bộ công đoàn ta doanh nghiệp bah dih ngih dak mât njrăng nău dơi n’hanh nău geh bah nuĭh kan uĕh lơn./.