Ta bôk nău kan, 20 nuĭh tâm rlong ndơn an ăp nău nchrăp kan sŏng dăng mbơh tơih nău n’hanh ơh nău ôp mbơh tơih bâh ban giám khỏa mpeh trong kan, nău mĭn kan bâh nơm.

Aơ lah ăp nău nchrăp kan khlăy ngăn geh săch lôch tă geh rlău 2 rơh tâm rlong bôk năp n’hanh săch lăp, rgŏ jă bâh khay 2 mhe nơh. Lôch bơi tât 2 khay rgŏ jă, rơh tâm rlong lĕ geh dơn rlău 100 nău nchrăp kan, nău mĭn kan bâh ntŭk kan bu ur tât râng, an tâm di đah bôk nău kan rgâl mhe ueh nđir tâm nău pah kan, tăch rgâl. ăp nău nchrăp kan, nău mĭn đah ăp ntil ndơ geh ƀư, nău ueh êng, geh dŏng ăp nău dơi bâh ăp ntil ndơ ta ntŭk kơt cà phê, măc ca, điều, ăp tơm tăm ƀư dak si, geh dŏng ăp ntil ndơ ndok tâm nău pah kan tuch tăm gay ma ƀư njêng tay, ntil ndơ dŏng du tơ̆ gay ma mât đăp mpăn dơh lêk, ueh đah ntŭk gŭ rêh.