Nkual ƀon têh Buôn Ma Thuột (Dak Lak) lĕ pă an 3,5 rmen prăk bah tơm prăk gay kơl an wăch rgum ăp nuĭh way kan, nuĭh khoa học, nuĭh geh blău êng tâm ăp ntil nău kơt: Công nghệ thông tin, lŏ mir công nghiệp mhe, ƀư pâl nđaih, dăp rgum nkual têh, ndâk ƀư-nchrŏng trong nău kơl nsum.

Na nê̆, ăp nuĭh pah kan nti âk, gĭt blău êng mbra dơi ntop kơl bôk năp đêt ngăn 500 rkeh prăk/hê, n’hanh geh prăk khay âk ngăn lah 50 rkeh prăk/hê/khay. Đah tâm ton jao nău kan, rnoh jao an n’hanh trok dơi ƀư tĭng tâm ton.

Du ndơ ƀư, nău rgop tâm nchră, đề tài mĭn njêng khoa học, trong mkra, mĭn ƀư rgâl mhe kỹ thuật, công nghệ dơi nhih pah kan, ntŭk kan dơi uănh an, kơp dơn ri dơi geh ntop kơl ntrŭt nsôr đah 1% dĭng lĕ prăk trong an bôk nău rgop tâm nchră. Dĭng lĕ rnoh ntop kơl ntrŭt nsôr mô đêt lơn 50 rkeh prăk/hê/du ndơ ƀư. Năm ƀư tĭng nău wăch rgum ntơm bah khay 6 năm 2024 tât lĕ năm 2027.