Groi Thủ tướng Lê Minh Khái mhe kí ăp nau ntrŭnh mpeh nau pă phe ntơm bah tơm phe kơl an bah neh dak ân 5 n’gor: Tuyên Quang, Trà Vinh, Dak Nông, Quảng Bình, Nghệ An tâm rnôk Tết năm mhe Quý Mão ndrel pah pât sa năm 2023. Tâm nê, n’gor Trà Vinh rlau 1.560 tấn, n’gor Nghệ An rlau 1.325 tấn, n’gor Dak Nông geh 332 tấn, n’gor Quảng Bình geh 1.240 tấn gay ma kơl an ƀon lan tâm rnôk Tết năm mhe Quý Mão năm 2023.

Êng nê, n’gor Dak Nông hôm geh pă rlau 400 tấn phe gay kơl an ƀon lan tâm rnôk pah pât sa năm 2023. Groi Thủ tướng đă N’gâng kan tơm prăk, N’gâng kan Lao động-Thương binh ndrel Xã hội rklaih ngăn tĭng nau ntrŭnh, ndơn ăp nau tât mpeh mrô ndrel rnoh mbơh. UBND 5 n’gor geh pă phe rnôk aơ ndơn ăp rnoh mrô tâm di ngăn bah rnoh mbơh ndrel uănh năl năn, kloh, tâm di nŭih, tâm di nau ntrŭnh./.