Lơ 2/7, rmôt kan ntoh măt Quốc hội n’gor Gia Lai geh nar tâm mâp ma cử tri tâm nkuăl Krông Pa ndrel nkuăl têh Ayun Pa. Tâm ăp ntŭk tât, rmôt kan ntoh măt Quốc hội n’gor Gia Lai mbơh ma cử tri mpeh ăp nkô̆ nau, nau kan ndrel nau tă dơi geh bah rơh rƀŭn tal 7, gưl XV mhe rlau. Ăp cử tri ntoh nau rhơn bah âk rơh rƀŭn, ngăn lah nau nchră luh âk luật mhe ndrel âk nkô̆ nau khlay.

Ndrel ma nê, cử tri kŏ mbơh âk nau dôl kol tâm n’gor, ŭch geh ăp ntoh măt ndrel Quốc hội kơl an, uănh. Ngăn lah nau pă săm ƀŭt kơp dơn dơi dŏng neh hôm jêr, ntoch jong ƀư ji nuih tâm ƀon lan, nau mô tŏng dak dŏng ê dơi rklaih, đă Ngih dak kơl an ueh lơn đah nau khuch bah dak si Đioxin ndrel cán bộ ƀư kan gưl xã. Tâm nkuăl têh Ayun Pa, cử tri đă mpeh nau mât rjăp nau kan rong sĭm Yến tâm nkuăl ƀon lan gŭ; nŭih geh n’hâm kơl an mâp nau jêr tâm rnôk pă prăk kơl an bah thẻ ATM./.