Ndrel đah âk nău geh tât hun hao wăng sa- rêh jêng, rnă njrăng ngih dak bâh ta ntŭk, nău mpeh nău dơi ntĭm nti n’hanh uănh nău nău gĭt dơi nti đah ăp nuĭh kon hoc lôch tốt nghiệp THCS geh ăp đại biểu nkoch âk ngăn ta rơh aơ.

Ta năp nău ngăn, nău geh rơh thi lăp jrô 10, năm nti 2024-2025 ta Dak Lăk geh dŭt đê̆, âk đại biểu dŭt mĭn rvê mpeh nău dơi ntĭm nti aƀaơ. Ndrel dah nĕ, uănh năl nău dơi nti đah ăp kon hoc tâm ntĭm nti phổ thông lvang năm 2018-2025 ta n’gor dôl hôm nha geh âk nău jêr. Ta rơh tâm nchră, ăp đại biểu HĐND n’gor Đăk Lăk lĕ tâm rgop âk nău, mbơh dăn đă âk trong kan gay ma n’hao nău dơi ntĭm nti bâh n’gor tâm let năp tay. Ngăn lah ăp nău kơl an kon hoc ta nkual jêr jŏt, nkual âk ƀon lan rnoi đê̆.