Di rơh tết năm mhe Quý Mão 2023, UBND n’gor Dak Lak mra dŏng 76 rmen gay ma pă nklâm ndơ ân ăp nŭih, ăp rmôt ntoh lư. Âk rbăn nklâm ndơ kơl an rnăk ach o, êp ach o kŏ geh pă tâm rnôk aơ.

Di tơh Tết năm aơ, n’gor Dak Lak hŏ ƀư dŏng nau kan pă prăk măt 500 rbăn/nŭih đah cán bộ, công chức, viên chức, nŭih rlu ranh, kơl an, rmôt tahen, nŭih geh n’hâm kơl cách mạng; rnoh du rkeh/nŭih đah bu ranh ƀon, kruanh ƀon, nŭih ntoh lư, rnoh du rkeh 300 rbăn/nŭih đah nŭih geh n’hâm soan kơl an ntoh lư. Mpeh nklâm, ndơ ân, n’hao rnoh nklâm ndơ đah ăp rmôt ntơm 500 rbăn/nklâm (ăp năm bah năp) hao ntơm du rkeh tât 2 rkeh/nklâm ndơ.

Rnoh prăk hăn khâl ndrel pă nklâm ndơ rlau 76 rmen, hao 30 rmen rđil năm 2022. Uỷ ban Mặt trận Tổ quốc Việt Nam n’gor ndrel Hội Chữ thập đỏ n’gor Dak Lak mra pă rlau 3000 nklâm ndơ (500 rbăn/nklâm) ân ăp rnăk ach o, rnăk geh nau rêh jêr jŏt tâm 11/15 nkuăl, nkuăl têh, nkuăl ƀon têh. Êng ăp nkuăl Ea Súp, Krông Bông, Buôn Đôn, Lắk geh pă ntop kơl nklâm ndơ tết ntơm bah prăk kơl an bah rmôt kan têh./.