Di nkah nkah gĭt 77 năm Nar Thương binh-Liệt sỹ (27/7), n’gor Dak Lak lĕ an rlău 11 rmen prăk n’hanh ndâk ƀư 6 mpôl pah kan hăn chop khâl, ntrŭt nsôr, an ndơ nuĭh geh soan ntoh lư. Ta ăp rnăk tât khâl, kruanh n’gor Dak Lak lĕ đêp rmên ôp khâl nu nău săk soan, nău rêh gŭ âm bah mê̆ Việt Nam janh dăng, ăp tahen sôt rmanh n’hanh ăp nuĭh tâm rnăk wâl;

nkoch nău nkah gĭt têh đah nău roh rui têh bah ăp rnăk wâl tâm nău kan njrăng n’gang rklaih đăp mpăn rnoi nuĭh, kơp dơn ngoăy neh dak. Nkre mpŏng ăp rnăk mât uĕh tay nău way ơm cách mạng uĕh ang, ntrŭt đă kon sau nsrôih nti nsơm, pah kan jan sa, hăn lor tâm ăp nău kan, ntrong leo bah ƀon lan.