Lôch nău nchih nkoch bah VOV mpeh nău âk trong dak kloh  uĕh rgum ta  Dak Lak rlu nchuăt dŏng, ta rơh hop báo way ăp khay kêng măng (1/4), kruanh rđău kan UBND n’gor Dak Lak đă n’gâng kan dơi kan ân ndăn ngăch ôp uănh, tâm pă prăk dŏng nkra ăp trong dak geh khuch khat gay geh dak dŏng sa an nuĭh ƀon lan.

Ta rơh hop, wa  Nguyễn Minh Chí, Groi Giám đốc Sở Nông nghiệp n’hanh Phát triển Nông thôn n’gor Dak Lak năl: 52 trong dak rgum ta ƀon  lan rlu nchuăt dŏng n’hanh âk trong dak êng ƀa ƀă nchuăt dŏng n’gul  wah 20% - 40% ma Radio nău ngơi Việt Nam nchih nkoch lah di ngăn. Nkô̆ lah tă bah ăp trong dak ntuh kơl bah âk năm  bah năp nơh, huêt jê̆, dơi jao an UBND ăp xã mô lah ăp ban tự quản thôn buôn mât dŏng yơn mô geh nău way blău kan. Pah kan nkra uĕh tay kơt lah mô dơi tĭng ƀư. Lôch rnôk djăt nuĭh ntơh măt n’gâng kan tuch tăm rblang, wa Nguyễn Tuấn Hà, Groi kruanh UBND n’gor Dak Lak đă Sở Nông nghiệp n’hanh Phát triển Nông thôn, UBND ăp nkuâl ôp uănh tay ăp tŏng ăp ntŭk ƀon lan gŭ mô tŏng dak kloh uĕh tă bah ăp trong dak geh khuch khat tă bah tâm pă tơm prăk nkra, ơm pă an dak an nuĭh ƀon lan,lơn  lah tâm rnôk khay wai dôl kro phang hô./.