Tâm 5 nar, ntơm bah 26-30 khay 6, rlău 200 cán bộ công chức bah n’gor Dak Lak hŏ râng jrô kan kơi năp nti pah kan rgŏ jă n’gâng kan, tă bah Sở Nội vụ Dak Lak kan nsum đah Ntŭk rgum ntĭm nti tơm nuĭh kan nkual ƀon têh Đà Nẵng ƀư. Tâm 5 nar, ăp nuĭh nti dơi năp nău gĭt blău ăp way nkô̆, tâm nê geh ăp way nkô̆ lah nău mĭn bah Đảng n’hanh Ngih dak mpeh pah kan rgŏ jă tâm nô nău mhe, nkoch lam lĕ rngôch ăp nkô̆ tơm bah Luật tĭng ƀư geh nău tâm ban tâm dâng (geh nău tam ntơm bah nar 01/7/2023), Pah kan rgŏ jă râng rdâk njêng ƀon lan mhe, nkual ƀon têh ăp tŏng nău lư.

 Ntô̆ n’hao nău khlay kan, nău dơn kan bah Ban Groi nđôi ntuh kơl bah nsum mpôl. Ta jrô kơi năp nti, cán bộ ăp gưl ta Dak Lak hôm ntêm mông tâm ôp mpeh ngăn ngăn pah kan, rgum tay ăp nău gĭt tă nti; nău blău, ntrŏng gĭt kloh lơn, rgum tơm bah pah kan rgŏ jă tâm di đah nô nău bah tĭng nkuâl./.