Mô dơi an kon hŏk ntlơi tâm rlong tốt nghiệp yor nău rêh jêr jŏt”. Aơ lah ngoăy tâm âk nău đă bah Ban Ntĭm rđău tâm rlong tốt nghiệp THPT năm 2024 n’gor  Dak Lak đah ăp ntŭk tâm rnôk uănh nđôi trong kan ƀư tâm rlong. Aƀaơ Ban Ntĭm rđău tâm rlong tốt nghiệp THPT năm 2024 n’gor Dak Lak lĕ ndâk njêng 5 rmôt đah 20 nuĭh, dôl uănh nđôi trong kan nchrăp an rơh tâm rlong bah Ban Ntĭm rđău tâm rlong gưl nkuăl n’hanh 33 ntŭk tâm rlong ta lam n’gor.

Mpôl uănh nđôi sŏk dơn nău rgop, dăn đă bah ƀon lan, ngih sam ƀŭt ntŭk gŭ tâm rlong mpeh ăp jêr jŏt tâm rnôk nchrăp an rơh tâm rlong; rblang nău wăk kol geh tât trong njrăng n’gang mplư rlăm tâm rlong ta ntŭk tâm rlong; đăp mpăn rnă njrăng ntŭk tâm rlong gay rơh tâm rlong ƀư đăp mpăn, rhăt jăp, di trong ntrŭnh. Tĭng wa Phạm Đăng Khoa, Giám đốc N’gâng kan ntĭm n’hanh nti n’gor Dak Lak, tâm rnôk uănh nđôi an saơ, ăp ntŭk kan lĕ ƀư rjăt, lĕ nău kan, đăp mpăn ăp nău kan tĭng di ngăch.